KDirect.info s Taqvaylit

Amezruy/ Idles : D anwa-t Mulud At Mεemmar (Mεemmri). KDirect.info

Mulud Mɛemmri, naɣ Mulud At Mɛemmer s tira n Tifinaɣ ⵎⵓⵍⵓⴷ ⴰⵜ ⵎⵄⴻⵎⵎⴻⵔ, d amyaru, d amdan yefkan azal ameqqran i yedles d tutlayt Tamaziɣt, d netta d amezwaru iy yeslemden Tamaziɣt di tseddawit n Dzayer.

Dda Lmulud ilul ass 28 duǧember 1917 di Tewrirt Mimun deg Ayt Yanni di Tizi Uzzu. Yemmut ass 25 n furar 1989 di Ɛin n Defla deg webrid n tuɣalin-is si Merruk.

 

Tameddurt


Mulud At Mɛammer yelmed, imi yella d amecṭuḥ, deg uɣerbaz n taddart-is. Deg 1928 yemsafer-d ɣer Lmrruk ɣef taxxamt n unat-is deg Rbaṭ.Ukkuz(rebɛa)n yiseggasen mbeɛd yuɣal-d ɣer Lezzayer ad ikemmel almad-ines deg uɣerbaz iwumi qqaren “Bugeaud” di temdint n Lezzayer; kra n yiseggasen mbeɛd, imi ikemmel-d almad-is, yeǧǧa-d aneggaru-agi ɣef yewwin aɣerbaz nniḍen iwumi qqaren “Louis-le-Grand” di temdint n Bari(Paris) i wakken ad yuɣal d aselmad.

Deg 1939 ikcem-d ɣef tzemmalt, asmi Ttrad n Ddunit II tebda-d, lameɛna yettwaserreḥ-d deg Tuber 1940: Lmulud Mɛemmri ikcem-d ɣef uɣiwen n tisekwla n uɣerbaz n temdint Lezzayer.

Deg 1942, mbeɛd agwad n Lmarikan ɣef Tafriqt n ugafa, Mɛemmri yettnuda ɣef tzemmalt i tikkelt tis snat; yezra igran n yimenɣi n Ṭṭelyan, Fransa, akked Lalman.

Di taggara n ttrad, 1945, yessewjed-d, deg Paris, ɣef tmenyugart n yiselmaden; mbeɛd ayagi yuɣal-d ɣer Lezzayer deg Ctember 1947. Yesselmad deg Lemdiya akked Ben-ɛaknun yerna yura-d adlis-is amezwaru, Tawrirt yettwattun (« La Colline oubliée ») deg 1952.Lameɛna s ddaw n tiggermemt n temɛict deg Lezzayer yeǧǧa-d tamdint n Lezzayer deg 1957.

 

Seg 1957 armi 1962, Mulud At Mɛammer iɛac deg Lmerruk.


Deg 1962, armi terbeḥ azarug-ines, Mulud At Mɛammer ikcem-d ɣer Lezzayer. Seg 1965 armi 1972, yesselmed Tamaziɣt deg tesdawit n temdint n Lezzayer s ddaw n uferkaw n umezruy n yigduden; ayagi mbeɛd tagdelt n yislemaden n tmaziɣt deg 1962 ɣef ddemma n unabad n Lezzayer.
Mulud At Mɛammer yesselmed tamziɣt s ddaw tamagazt i iḥersen n tmsulta n sser n unabad n Lezzayer.

Deg 1969 Mɛemmri yesdukkel iḍrisen n umedyaz Azwaw Si Muḥend. 1969 armi 1980 yella d anemhal n yiferkawen n idelsen n yemdanen, amezruy atrar, akked amezruy n yigduden.

Deg 1980, mbeɛd tagdelt n usarag-is deg Tizi Uzzu ɣef tamedyazt taqdimt n wegdud Azwaw, bdan ccwal n Tafsut Tamaziɣt.
1982, ixleq-d deg Paris Tuddsa n Yislemaden & Tagmi n Tamaziɣt (« Centre d Etudes de Recherches Amazighes », CERAM), akked tasɣunt Awal. Deg 1988 Mulud Mɛemmri yettwaqbel am ṭṭbib s tamanegt deg tesdawit n la Sorbonne.
Mulud At Mɛammer yemmut deg wass n 26 di Furar 1989, lameɛna aḥric ameqran n medden sɛan ccek belli anabad Aɛrab n Lezzayer i t-yenɣan deg tmeddit-nni; ayagi merra d ayen i izemren ad d-ssefhem s tidet, akken ilaq, amxix-agi.

Mulud At Mɛammer yeǧǧa later d tikta meqren akter n uḥric ameqran n yimalwayen ayen llan deg umezruy n wegdud Azwaw; akter n Masensen, akter n Yugurten, akter n Lkahina, Mɛemmri yebda-d abrid i yettawin ɣer umneɛ n rruḥ n wegdud Azwaw, agdud-nneɣ.

Tanebdurt

Tabṛatt i Muḥend Azwaw ff tmusni

 

I kečč a Muḥend Azwaw t-tezzyiwin-ik adlis-a, ad ak d-yefk yiwen wudem n tmusni, ad ak d-iqqim t-tagejdit, ad ak d-ittales ayen gan d wayen nnan imezwura inek. Mi ara t-walin medden ammar ad ilin wid ara d ak yinin :

Tigi t-tiḥkayin n zikenni, t-timucuha n Teryel iyess ssedhuyen arrac, i wacu d aɣ nfaant tmucuha n zik, i nekwni s at-tura? Eǧǧ timucuha n zik i yat zik ;nekwni d arraw bbwassa, assa deg irgazen ulin s aggur rsen degs, assa deg isufag semliliyen tamurt ɣer tmurt illan ayda dɣat deg ya n tallit, assa deg yiwet takurt tezmer atzebbwa tamdint tameqqwrant deg gwesmenɣer n tiṭ.

 

Inasen :


Tamusni tekka nnig teswiɛin. Ur ttitit ara ay imedhac d arrac issedhec uclawa, ismenyafen arelluc aberreqmuc i yiṭij ireqqen neɣ i wewreɣ yuli uɣebbar. …

 

Imuhal ungalen


  • La colline oubliée, Paris, Plon, 1952; 2ème édition, Paris, Union générale d’éditions – SNED, Coll. 10/18, 1978.
  • Le sommeil du juste, Paris, Plon, 1955 ; 2ème édition, Paris, Union générale d’éditions -SNED, Coll. 10/18, 1978.
  • L’opium et le bâton, Paris, Plon, 1965 ; 2ème édition, Paris, Union générale d’éditions – SNED, Coll.10/18, 1978.
  • La traversée, Paris, Plon, 1982, 2ème édition, Alger, Bouchène.

 

Tullizin

  • Ameur des Arcades et l’ordre, Paris, 1953, Plon, «La table ronde»
  • Le zèbre, preuves, Paris, n° 76, juin 1957, pp. 33-67
  • La Meute, Europe, Paris, n°567-568, juillet- août 1976, pp. 68-76.
  • L’Hibiscus, Montréal, 1985, Dérives n° 49, pp. 67-80.
  • Le désert atavique, Paris, 1981, Quotidien Le Monde du 16 août 1981.
  • Ténéré atavique, Paris, 1983, Revue Autrement, n°5.
  • Escales, Alger 1985, Révolution Africaine.

 

Amezgun


  • Le Foehn ou la preuve par neuf, Paris, Publisud, 1982, 2ème édition, Paris, pièce jouée à Alger en 1967.
  • Le Banquet, précédé d’un dossier, la mort absurde des Aztèques, Paris, librairie académique Perrin, 1973.

 

Tasekla


  • Les isefra de Si Mohand ou Mhand, textes berbères et traduction, Paris, Maspero, 1969.
  • Poèmes kabyles anciens, textes berbères et français, Paris, Maspero 1980.
  • L’Ahellil du Gourara, Paris, MSH, 1984.
  • Yenna-yas Ccix Muhand, Alger, Laphomic, 1989.
  • Machaho, contes berbères de Kabylie, Paris, Bordas, 1980.

 

Tutlayt / Tajerrumt d tasnawalt


  • Tajerrumt n tmaziɣt (tantala taqbaylit), Paris, Maspero, 1976.
  • Précis de grammaire berbère, Paris, Awal, 1988.
  • Lexique français-touareg, en collaboration avec J.M. Cortade, Paris, Arts et métiers graphiques, 1967.
  • Amawal tamazight- français et français tamaziɣt, Imedyazen, Paris, 1980.
  • Awal, cahiers d’études berbères, sous la direction de M. Mammeri, 1985-1989, Paris, Awal.

 

 

 

 

 

Sɣur : Tamazɣa – Akal,Iles,Idles  




Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s