KDirect.info s Taqvaylit

Ikataluniyen nnan-d IH deg Afraniman ilmend n bettu akked Spania. KDirect.Tak

MA YEBΓA WEΓREF YEBΓA YILU

 

2.26 imelyan n yikaṭaluniyen i jerden ilmend n wafraniman id yellan iḍelli. Llan 2.036 imelyan id yennan IH i beṭṭu akked tmurt n Spanya. Wid id yennan UHU llan 177 862.

 

Dɣa seg 5.34 imelyan ilaqen ad fernen, anagar 42.3% kan i ruḥen ad buṭin. 7.87% nnan-d UHU, 90,09% nnan-d IH. Ma yella 2.03% d tiwreqtin TICEBḤANIN akked 0.98% n tIwreqtin ur nettwaḥsab ara.

 

MACA

 

Llan azal n 700 000 seg wid ur nbuṭan ara acku tamsulta, ur ten-teǧǧa ara, imi wten-ten. Dayen id yeglan s 900 n wid ijerḥen.

 

Ma yella dɣa wigi akk ǧǧan-ten, dayen ad yefken azal n 55,43% n wid yebuṭṭan. Ma yella nerra 50% ɣer 100% n 700 000 n yimdanen-a ur nbuṭan ara, d wid ad yinin IH i berru akked Spanya, dayen ad yeglun s 88% ɣer 92% n wid ad yinin IH.

 

Ass-a Tarbaɛt n ddabex uḍar FC BARSULUN, turar sdat n tarbaɛt imaziɣen n tegzirin tikanariyin n LAS PALMAS i yellan d taɣiwant timanit.
I tikkelt tamezwarut FC BARSULUN turar war imferǧen-is deg unar. Acku ḍefren aselway n tarbaɛt-a i ysawlen ɣer lbuṭ deg tefranin-a.

 

Dɣa amyurar ameqqran n FC BARSULUN Gerard Piqué yettru ɣef wayen id yeḍran deg afraniman-a. Iwwet-d s leqṣeḥ deg unabaḍ n Spanya i yselḥay Mariano Rajoy. Acku yefka lamer i temṣulta taɣermant (Guarda Civil) ad wwten wid i buṭṭan. Dayen i t-yeǧǧan ad yini isya d asawen wisen ma yella ad urareɣ akked tarbaɛt taɣelnawt n Spanya.

 

Amyurar-a Gerard Piqué s timad-is iruḥ yebuṭa iḍelli. Yenna-d seld urar mgal LAS PALMAS, urǧin ad ttuɣ ayen id yeḍran deg wafriman-a, deg wayen i texdem temṣulta. Dayen i aɣ-d-yesmektin adiktatur n zik Franco. Yenna-d daɣen: Nekk d akaṭalan. Ferḥeɣ s wid iruḥen ad buṭṭin.

 

Ɣef wayen i d-tenna Rabyu Canada, Jordi Turul, win yettmeslayen s yisem n unabaḍ akaṭalan yenna:
Deg ussan id iteddun, anabaḍ akaṭalan ad yefk igemmaḍ n wafraniman i wemni n Kaṭalunya, i wakken ad iwali acu a yexdem. Maca aselway unabaḍ n Spanya, Mariano Rajoy yesfehem-d ayen i yefka lamer i temṣulta ad teḥbes afraniman-a, acku yella mgal uṣaḍuf.
Dayen ad yeǧǧen amennuɣ yettkemil ger anabaḍ n Spanya d win n Kaṭalunya. D amennuɣ a ysiwḍen isya ɣer sdat ɣer ubeṭu acku Kaṭalunya tra (tebɣa) ad tuɣal d tamurt s yiman-is deg Turupt. Ladɣa imi tella d tamarkantit.
War ccek ad yili wannect-a ɣef snat n sebbat:
1. Ayen i texdem temṣulta n Spanya, mačči d ayen a yeqbel laɛqel, a yettu ukaṭalan.
2. Igemmaḍ n wafraniman n yiḍelli yesbeggen-d belli ikaṭaluniyen rran ad fɣen seg tmurt n Spanya.
I tura acu ad tini Turupt akked wegraw agreɣlan, ladɣa Tuddsa n Yeɣlanen yedduklen (UN) akked tmura timeqqranin?

 

Γef wayen id yenna weɣmis akaṭalan La Vanguardia, 14 n yimazanen igliziyen ruḥen ad sfeqden afraniman-a deg tɣiwant n Barsalun. Wehmen deg wayen yeḍran deg tmanaɣt n Kaṭalunya. Mačči dayen a yettwaqeblen. Fran-tt d rray daken ad cetkin deg ccra agreɣlan n La Haye.

 

Racid At Ali uQasi


Publicités

Catégories :KDirect.info s Taqvaylit

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s