KDirect.info s Taqvaylit

​Guraya TV i yellan di Vgayet, tetteki uyerna s tussda di tesnislemt n Tmurt Taqvaylit. KDirect.Tak

ADERWI (KDirect) – Zuni d tiliẓri n teqvaylit, acku di Vgayet i tetteli, Guraya TV, tettruḥu ɣer uvrid txeddem tasartit n tisnislemt deg wannar.

 

Di tnezla i yellan swadda, deg-s ad d-nwali yiwet n temsiwalt tesεa lḥiǧab, truḥ ɣer temdint n Vgayet, tessutur i yimdanem ad ttikin di tedwilt-is « Timzizelt » s teqvaylit, lɣaci qeblen, s tumert, wigad-nni vdan ameslay, di tagara, uffan d isteqsiyen yerzan tasreḍt tineslemt akk d umazzan Muḥamed.

Win irevḥen di tedwilt-agi, ad as-d-fken adlis n luqran, d araz.

Ilaq ad nesmekti i tiliẓri-agi d akken iqvayliyen maci akk akken llan d inselmen, tasreḍt, tetteli gar umdan d Yilu, gar-s d yiman-is, neḥsa d akken tiliẓri;agi tesεa iswi d akken ad tekkes idlis aqvayli.

Deg usentel-agi Mas Racid At Ali Uqasi deg usevtar-is di FB, yuzen i yiqvayliyen anda ma llan akken ad ilin deffir n tiliẓri n Teqvaylit TQ5, id sewjaden.

« llan azal n 60 n tiliẓriyin di lezzayer, gar-asent t-id yettnadin ad rwint tamurt Taqvaylit, gar-asent ɣas ur llint ara d t-id n tesreḍt ama « Samira TV, Benna TV, (Tanewalt), Heddaf TV, (addal), Abram TV ( ibaraḍen), … maca sεant daxel tasreḍt tineslemt ama d Ladan, d tidwilin n tesreḍt) 

Twala-m a Leqvayel d akken Tamurt Taqvaylit ilaq ula d nettat ad tesεu tiliẓri i yiman-is ara yerren azal i tdawsa n warrac-nneɣ s teqvaylit, d yinsayen-is, ara yeddun deg ubrid n usnulfu d tussna Tatiknulujit) 

TQ5,  d tiiẓri, tettwaq sɣur leqvayel, wid yesεan taqvaylit deg ulawen-nsen, ama d tigemmi neɣ tutlayt, d nettat ara ad inejren abrid i wayen yelhan.

Nessaram d akken ad ilint tiliẓriyin-nniḍen, ara ad ilalen sya ɣer zdat, maci d idrimen, neɣ imesbaɣuren neɣ allelen, neɣ d ineɣmisen, i ixussen, maca txuss-aɣ tarwa n teqvaylit yid-nneɣ «  id yenna Racid At Ali Uqasi.
Y.M

 

Walit tavidyut n tedwilt-is

 

Publicités

Catégories :KDirect.info s Taqvaylit

1 réponse »

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s